ԵՐԵՎԱՆ, 13 դեկտեմբերի — Sputnik. Կոնակովոյի հրշեջ–փրկարարական կայազորի պետ Էրիկ Մինասյանը, որը 11 մարդու կյանք է փրկել, հաղթել է Տվերի մարզում անցկացված «Տարվա մարդ» մրցույթի «Պատիվ և պարտականություն» անվանակարգում։ Այս մասին հայտնում է «Տվերսկիե վեդոմոստի» կայքը։
Մինասյանը մասնակցել է ավելի քան 100 հրդեհների մարմանն ու անձամբ 11 մարդ է փրկել։ Նա պարգևատրվել է «Ծառայության մեջ գերազանցության» III աստիճանի մեդալով։
«Հպարտանում եմ նրանով, որ ի զորու եմ արդարացնելու ղեկավարությանս սպասումները։ Սակայն միայնակ երբեք ոչինչ անել չես կարող։ Դու պետք է թիմ ունենաս, անձնակազմ, որին վստահում ես և որը վստահում է քեզ», – ասել է նա։
Այս տարի մրցույթին մասնակցելու համար 62 հայտ է ներկայացվել։ Ընդհանուր առմամբ 10 անվանակարգ է եղել։ Յուրաքանչյուրում հանձնաժողովները 3 հաղթող են ճանաչել։
