«Եվրատեսիլ 2019»-ում Հայաստանը ներկայացնող Սրբուկը և նրա PR մենեջեր Արուսիկ Զախարյանը պատմել են, թե ինչպես է ընտրվելու նրա երգը, ինչ տրամադրվածությամբ է աշխատում թիմը և ինչ է պետք Թել Ավիվում հաղթանակի հասնելու համար։
«Ես էլ եմ մասնակցելու երգի ընտրությանը, որովհետև պիտի զգամ այդ երգը։ Շատ կարևոր է, թե ինչ երգով ես բարձրանում նման մեծ բեմ»,– Sputnik Արմենիային ասաց երգչուհին։ Սրբուկը դեմ չէ երգում հայկական տարրերի օգտագործմանը, բայց, ըստ նրա, լավ կլինի այնպես արվի, որ հասանելի լինի բոլորին, ոչ միայն Հայաստանի ու սփյուռքի հայերին։
Հյուրը` «Եվրատեսիլ 2019»–ի հայաստանյան ներկայացուցիչ Սրբուհի Սարգսյան։
Հաղորդավար` Նանա Մարտիրոսյան։
