ԵՐԵՎԱՆ, 6 դեկտեմբերի — Sputnik. ԵԱՏՄ անդամ պետությունների ղեկավարները Եվրասիական տնտեսական բարձրագույն խորհրդի արդյունքում փաստաթղթերի փաթեթ են ստորագրել։ Այս մասին հայտնում է ՌԻԱ Նովոստին։
Համապատասխան ցանկը հրապարակված է Կրեմլի կայքում` ընդհանուր առմամբ 18 փաստաթուղթ։
Առաջնորդները ստորագրել են «ԵԱՏՄ շրջանակում ինտեգրացիոն գործընթացների հետագա խորացման մասին հռչակագիրը», «ԵԱՏՄ շրջանակում ինտեգրացիոն գործընթացների զարգացման ռազմավարության մասին» կարգադրությունը, «ԵԱՏՄ գազի ընդհանուր շուկայի ձևավորման մասին» որոշումը, «ԵԱՏՄ նավթի և նավթամթերքի ընդհանուր շուկաների ձևավորման մասին» որոշումը, «Մի կողմից, ԵԱՏՄ–ի և նրա անդամ երկրների և, մյուս կողմից, ՉԺՀ–ի միջև առևտրա–տնտեսական համագործակցության մասին 2018 թվականի մայիսի 17-ի համաձայնագիրը ուժի մեջ մտնելու մասին» որոշումը։
Բացի այդ, ստորագրվել է նաև «Մի կողմից, ԵԱՏՄ և նրա անդամ երկրների և մյուս կողմից ԻԻՀ–ի միջև ազատ առևտրի գոտու ստեղծմանը տանող 2018 թվականի մայիսի 17-ի ժամանակավոր համաձայնագիրը ուժի մեջ մտնելու մասին» որոշումը, «ԵՏՀ աշխատանքի կանոնակարգի № 1 հավելվածում փոփոխություններ կատարելու մասին» որոշումը, «ԵԱՏՄ-ի 2019 թ.-ի միջազգային գործունեության հիմնական ուղղությունների մասին» որոշումը, ինչպես նաև մի շարք այլ փաստաթղթեր։
