ԵՐԵՎԱՆ, 5 դեկտեմբերի — Sputnik. Հայաստանի զինված ուժերը լիովին վերահսկում են Նախիջևանի հետ սահմանը։
Այսօր լրագրողներին այս մասին ասաց Հայաստանի վարչապետի պաշտոնակատար Նիկոլ Փաշինյանը։
Նրա խոսքով` այն պնդումները, թե Հայաստանը կորցրել է սահմանի վերահսկողությունը, անհիմն են։
«Մի քանի օր առաջ ես եղել եմ տեղում և ծանոթացել իրադրությանը։ Կարող եմ հավաստիացնել, որ մեր զինված ուժերը Նախիջևանի ուղղությամբ լիովին պահպանում են ռազմավարական գերակայությունը», – հայտարարեց Փաշինյանը։
Ինչ վերաբերում է Արցախում շփման գծին, ապա նա հավելեց, որ կապ է պահպանում Արցախի գործընկերների հետ, իսկ անհրաժեշտության դեպքում նրանց հետ կանցկացվեն անվտանգության վերաբերյալ խորհրդակցություններ։
