ԵՐԵՎԱՆ, 5 դեկտեմբերի — Sputnik. Հայաստանում բացվել է հեռուստացույցներ հավաքելու առաջին գործարանը։ Գործարանի բացմանը ներկա էր Հայաստանի վարչապետի պաշտոնակատար Նիկոլ Փաշինյանը։
![Հայաստանում կհավաքեն լեգենդար անվանումով հեռուստացույցներ. երկրում բացվել է նոր գործարան Հայաստանում կհավաքեն լեգենդար անվանումով հեռուստացույցներ. երկրում բացվել է նոր գործարան - Sputnik Արմենիա](https://cdn.am.sputniknews.ru/img/1604/91/16049121_0:0:1600:1068_600x0_80_0_0_c86c60b7d3b00528e20e9f9dfd6d0ca7.jpg)
Ձեռնարկությունը հիմնված է սիրիացի գործարար Արթին Վարդանյանի և լիբանանցի ձեռնարկատեր Նիկոլաս Թավիլի միջոցներով (նա «Սանիտեք» ընկերության ղեկավարն է, որը Հայաստանում զբաղվում է աղբահանությամբ)։
Առաջին փուլում կկատարվի 4,5 միլիոն դոլարի ներդրում։ Գործարանում կաշխատի 80 մարդ, տարեկան գործարանը պատրաստվում է թողարկել 126 հազար միավոր կենցաղային տեխնիկա` հեռուստացույց, լվացքի մեքենա, օդորակիչ, սառնարան Հայաստանի և հարևան երկրների համար։
![Пульты ДУ на заводе по сборке бытовой техники в селе Мердзаван Пульты ДУ на заводе по сборке бытовой техники в селе Мердзаван - Sputnik Արմենիա](https://cdn.am.sputniknews.ru/img/1605/05/16050560_0:0:1600:1006_600x0_80_0_0_941b4b4d975ceb399937df74462f98ba.jpg)
![И.о. премьер-министра Никол Пашинян на откытии завода по сборке бытовой техники (5 декабря 2018). Село Мердзаван И.о. премьер-министра Никол Пашинян на откытии завода по сборке бытовой техники (5 декабря 2018). Село Мердзаван - Sputnik Արմենիա](https://cdn.am.sputniknews.ru/img/1604/98/16049893_0:0:1600:1006_600x0_80_0_0_a01dd664c08d149eac2160749a06f420.jpg)
![Завод по сборке бытовой техники в селе Мердзаван Завод по сборке бытовой техники в селе Мердзаван - Sputnik Արմենիա](https://cdn.am.sputniknews.ru/img/1605/02/16050212_0:0:1600:1006_600x0_80_0_0_c5b96c472af6ae03819d4a79e72f19d9.jpg)
![Рабочий за сборкой телевизора на заводе по сборке бытовой техники в селе Мердзаван Рабочий за сборкой телевизора на заводе по сборке бытовой техники в селе Мердзаван - Sputnik Արմենիա](https://cdn.am.sputniknews.ru/img/1605/07/16050772_0:0:1600:1067_600x0_80_0_0_22f363bb78e6e76aca363913b3a64af9.jpg)
![Завод по сборке бытовой техники в селе Мердзаван Завод по сборке бытовой техники в селе Мердзаван - Sputnik Արմենիա](https://cdn.am.sputniknews.ru/img/1604/99/16049999_0:1:1600:1068_600x0_80_0_0_0810996aebea7d196e897f7a92595eb7.jpg)
![LED телевизоры Adamian, собранные в селе Мердзаван LED телевизоры Adamian, собранные в селе Мердзаван - Sputnik Արմենիա](https://cdn.am.sputniknews.ru/img/1605/19/16051964_126:0:1473:898_600x0_80_0_0_214bcf640d6f1ae613884a8fffd6d469.jpg)
Երկրորդ փուլում Հայաստանում ցանկանում են արտադրել առանձին պահեստամասեր, իսկ երրորդ փուլում հույս ունեն ձեռնամուխ լինել ամբողջական ինքնուրույն արտադրությանը։
Առայժմ IMG կոչվող ընկերությունը համագործակցում է Samsung կորպորացիայի հետ և օգտագործում նրա բաղադրիչները, Sputnik Արմենիայի թղթակցի հետ զրույցում նշեց ձեռնարկությունում արտադրության մենեջեր, հորդանանցի մասնագետ Համամ ալ Մուամարը։
«Բոլոր սարքավորումները, որոնք մենք օգտագործում ենք, զննվել և հաստատվել են Samsung–ի մասնագետների կողմից։ Հիմա մենք կարող ենք օգտագործել ոչ միայն նրանց, այլ նաև ուրիշ պահեստամասեր», – հավելեց ալ Մուամարը։
![Հայաստանում կհավաքեն լեգենդար անվանումով հեռուստացույցներ. երկրում բացվել է նոր գործարան Հայաստանում կհավաքեն լեգենդար անվանումով հեռուստացույցներ. երկրում բացվել է նոր գործարան - Sputnik Արմենիա](https://cdn.am.sputniknews.ru/img/1605/04/16050416_0:0:1600:1068_600x0_80_0_0_e37fb18c6b90d6a62a9240856ba3eafc.jpg)
Նա նաև հաղորդեց, որ հետագայում ընկերությունը մտադիր է բանակցություններ վարել Samsung–ի հետ պարզելու, թե կարելի՞ է արդյոք սեփական ապրանքանիշով արտադրանք թողարկել Հայաստանի կամ մյուս շուկաների համար։
«Իհարկե, Samsung–ը մեծ և հարգված ընկերություն է` բարձրակարգ տեխնոլոգիաներով, բայց մենք ցանկանում ենք արտադրել մեր տեխնիկան` սեփական մշակումներով։ Ուստի մենք կբացենք ինժեներական դասընթացներ, որպեսզի մեր աշխատակիցներն իրենք, առանց մշտական հսկողության, կարողանան նախ հավաքել տեխնիկան, այնուհետ արտադրել տեղում», – Sputnik Արմենիայի թղթակցի հետ զրույցում նշեց Սուրեն Վարդանյանը` գործարանի սեփականատերերից Արթին Վարդանյանի եղբայրը։
«Հայկական տեխնոլոգիաների վրա ուղղվածությունն ընդգծելու համար տեխնիկան կթողարկվի «Ադամյան» ապրանքանիշով` Հովհաննես Ադամյանի անունով, որն աշխարհում գունավոր հեռուստատեսային ազդանշանի առաջին մշակողներից է։
«Մենք ուզում ենք, որպեսզի արտասահմանում, ինչպես նաև Հայաստանում մարդիկ իմանան և հիշեն հիանալի ինժեների գործը», – հավելեց Վարդանյանը։
Պատմական անունով առաջին հեռուստացույցները դեռ չեն իջել հոսքագծից, բայց դրանցով արդեն հետաքրքրվում են Ռուսաստանի գնորդները։ Ընդ որում` նրանք դժվարություններ չեն տեսնում առաքման մեջ։
«Ամեն ինչ հանգում է գնին։ Եթե հաճախորդին դուր գա գինը, ապա կգնի։ Լոգիստիկա միշտ էլ կարելի է իրականացնել։ Գլխավորը, թե ինչ գնով կվաճառվի։ Ինչ վերաբերում է անվանմանը, ապա, իհարկե, այն կգրավի Ռուսաստանի շատ հայերին։ Բայց մնացած հարցերում ամեն դեպքում գլխավորը գինն է», – հավելեց «Մարիոն» առևտրի տան ներկայացուցիչ Դմիտրի Կուրուլևը Մոսկվայից։
Ընկերությունը ծրագրում է տեխնիկան իրացնել ԵԱՏՄ մյուս երկրներում, ինչպես նաև հարևան Վրաստանում։