ԵՐԵՎԱՆ, 29 նոյեմբերի — Sputnik. Ամերիկահայ դերասան, պոկերի արքա ու վենչուրային կապիտալիստ Դեն Բիլզերյանը հայտնի էր իր գլխապտույտ խնջույքներով։
Նման խնջույքներից մեկը նա կազմակերպել էր Թաիլանդում՝ հանգստի ժամանակ ուր նա մեկնել էր պատմական հայրենիք կատարած այցից հետո։
Հիշեցնենք` Դենը Հայաստան էր եկել 2018 թվականի օգոստոսի 27–ին մասնավոր ինքնաթիռով։ Այստեղ միլիոնատերը հայկական անձնագիր էր ստացել ու հաշվառման էր կանգնել ՀՀ Զինված ուժերում։
Ի դեպ` խնջույքների ամերիկահայ արքան Երևան էր եկել գեղեցկուհի մոդել Սայլեր Մեդեյրոսի ուղեկցությամբ։
Տեսահոլովակում բազմաթիվ գեղեցկուհիներ ժամանակ են անցկացնում պոկերի արքայի հետ։ Շատերը, հնարավորինս քիչ հագուստ են հագած, հատուկ ցույց են տալիս իրենց ակրոբատիկ ունակությունները։
Աղջիկներից բացի տեսանյութում կարելի է տեսնել, թե ինչպես է Բիլզերյանը մարզվում։ Տեսահոլովակը նայելուց հետո կարելի է պնդել, որ Բիլզերյանը իր «սխրանքները» նկարահանելու համար պրոֆեսիոնալ նկարահանող խումբ է վարձել, որն առանց այդ էլ շքեզ տեսարաններն ավելի տեսարժան է դարձրել։
