ԵՐԵՎԱՆ, 27 նոյեմբերի – Sputnik. Հայաստանի Հանրապետության զինված ուժերը «Տոչկա» հրթիռային համակարգի փորձնական արձակում են իրականացրել: Հրթիռը 65 կիլոմետր հեռավորությունից ճշգրիտ խոցել է պայմանական թիրախը: Facebook–ի իր էջում գրառում է արել ՀՀ վարչապետի պաշտոնակատար Նիկոլ Փաշինյանը:
Հայաստանի Հանրային հեռուստատեսությամբ հեռարձակվող «Զինուժ» հաղորդաշարը բացառիկ ռեպորտաժ է պատրաստել «Տոչկա» հրթիռային համակարգի փորձնական արձակման մասին:
Հեռուստադիտողները ռեպորտաժը դիտելու հնարավորություն կունենան դեկտեմբերի 1-ին, ժամը 21:45-ին Հանրային հեռուստաընկերության եթերում
«Զինուժ մեդիան» տարածել է ռեպորտաժի կարճ ծանուցումը, որում կարելի է տեսնել «Տոչկայի» համազարկը:
