ԵՐԵՎԱՆ, 25 նոյեմբերի — Sputnik. Նիկոլ Փաշինյանը վաղվանից մեկնում է արձակուրդ։ Այս մասին նա հայտարարել է ֆեյսբուքյան իր պաշտոնական էջի միջոցով։
Այս սեզոնին արձակուրդ գնալը ՀՀ վարչապետի պաշտոնակատարը բացատրում է նախընտրական քարոզարշավին մասնակցելու իր ցանկությամբ։
«Վաղվանից արձակուրդ եմ վերցնում՝ քարոզարշավին լիարժեք մասնակցելու համար»,–գրել է Նիկոլ Փաշինյանը։
Հիշեցնենք, որ օրեր առաջ լրագրողների հետ զրույցում ՀՀ վարչապետի պաշտոնակատար Նիկոլ Փաշինյանն ասել էր, որ աշխատանքային ժամերին քարոզարշավով զբաղվելն օրենքի խախտում չէ, և ինքը ցանկություն չունի արձակուրդ գնալու։
Հիշեցնենք նաև, որ ՀՀ ԱԺ արտահերթ խորհրդարանական ընտրությունները կկայանան ս.թ. դեկտեմբերի 9–ին։
