ԵՐԵՎԱՆ, 23 նոյեմբերի — Sputnik. Իրանի նկատմամբ ԱՄՆ պատժամիջոցները չեն կարող լուրջ ազդեցություն ունենալ Հայաստանի վրա։
Այս մասին այսօր հրավիրված մամուլի ասուլիսին ասաց տնտեսական զարգացման և ներդրումների նախարարի պաշտոնակատար Տիգրան Խաչատրյանը։
Իրանի հետ Հայաստանի ապրանքաշրջանառությունը դեռ այդքան էլ մեծ չէ, իսկ Իրանի հետ առևտուր անող ընկերությունները, համեմատաբար քիչ են, և հիմնականում դրանք իրանական, այլ ոչ թե հայկական ընկերություններ են։
Նշենք, որ Հայաստանի և Իրանի ապրանքաշրջանառությունը մեր երկրի արտաքին առևտրում 4-5% է կազմում։
2017 թվականին այն 263 մլն դոլար է կազմել, որից Հայաստանից արտահանումը կազմել է 30,5 մլն դոլար, որի տեսակարար կշռի մեծ մասը էլեկտրաէներգիան (գազի դիմաց բարտերով է մատակարարվում, դրամային արտահայտմամբ մոտ 25 մլն է կազմում) և ոչխարի միսն են կազմում։
