ԵՐԵՎԱՆ, 19 նոյեմբերի — Sputnik. Ռուսաստանի Պետդումայի չորս խմբակցությունները ներկայացնող պատգամավորները դեկտեմբերին կժամանեն Հայաստան՝ հետևելու խորհրդարանական ընտրություններին:
ՌԻԱ Նովոստիի փոխանցմամբ` այս մասին հայտնել է Ռուսաստանի Դաշնային ժողովի Պետդումայի ԱՊՀ գործերով, եվրասիական ինտեգրման և հայրենակցական կապերի հանձնաժողովի նախագահ Լեոնիդ Կալաշնիկովը:
«Պետդումայի պատվիրակությունը կլինի, ներկայացված կլինեն բոլոր խմբակցությունները»,- հայտնել է նա:
Աղբյուրի տվյալներով՝ պատվիրակությունը կղեկավարի հենց Լեոնիդ Կալաշնիկովը:
Հայաստանի արտահերթ խորհրդարանական ընտրությունը տեղի կունենա դեկտեմբերի 9-ին: Ընտրությանը մասնակցելու հայտ են ներկայացրել 11 քաղաքական ուժ:
