ԵՐԵՎԱՆ, 18 նոյեմբերի –Sputnik. Շշմեցուցիչ հաղթանակ, համաշխարհային ռեկորդ և հակառակորդին 25 միավորով գերազանցում. Ալինա Զագիտովան առանց դժվարության Մոսկվայում Գրան պրի նվաճեց։
Այնուամենայնիվ, պետք է նշել, որ մրցույթում նա իրական հակառակորդներ չի ունեցել։ Երկրորդ տեղը նույնպես Ռուսաստանի ներկայացուցիչն է զբաղեցրել` Սոֆյա Սամոդուրովան, սակայն նա Զագիտովայից 25 միավոր պակաս է հավաքել։ Հելսինկիում կայացած Գրան պրիի առաջին փուլում Ալինան իր մրցակցից առաջ անցավ 18 միավորով։
Աղջիկը դեռ մեկ փուլ ևս պետք է հաղթահարի, բայց արդեն Փարիզում։ Այնտեղ նրան ուժեղ մրցակիցներ են սպասում` ճապոնացի Ռիկա Կիհիրան և Եվգենյա Մեդվեդևան։ Զագիտովայի մրցումներին պատրաստվելու և նոր ծրագրի դժվարությունների մասին International Figure Skating ամսագրին է պատմել մարզիչ Էթերի Թութբերիձեն։
«Հասունացման պատճառով Զագիտովային դժվար էր։ Կոորդինացիայի կորուստ կար, այժմ էլ կա։ Չեմ կարող ասել, որ հաղթահարել ենք բոլոր խնդիրները։ Մենք այդ ճանապարհին ենք։ Սակայն դա իսկապես դժվար է», – ասել է Թութբերիձեն։
Զագիտովայի մարզիչը խոստովանել է նաև, որ Օլիմպիադայի ոսկե մեդալակրին շատ բաներ չէր հաջողվում անել, չնայած, որ կատարում էր բոլոր մարզումները։
«Սլանում էր ամբողջ ուժով, սակայն տեղից շարժվել չէր կարողանում։ Մարմնի փոփոխությունների պատճառով, Ալինային այժմ ամեն անգամ 30 կամ 40 րոպե է պետք մարզումների համար, որպեսզի սկսի նորմալ ցատկել։ Նրա նոր մարմինը մկանային հիշողություն դեռ չունի», – ընդգծել է Թութբերիձեն։
Հիշեցնենք, որ Զագիտովան սեզոնը սկսել էր Օբերստդորֆում հիանալի սահքերով` գնահատականների նոր համակարգով միանգամից երեք համաշխարհային ռեկորդ սահմանելով։
Հիշեցնենք, նաև, որ գեղասահքի բոլոր համաշխարհային ռեկորդները չեղակրվել էին 2018 թվականի օգոստոսի 17-ին։ Մինչ այդ գրանցած նախորդ բոլոր ռեկորդներն այսուհետ պատմական են համարվում։ Այդ թվում նաև գեղասահորդուհի Եվգենյա Մեդվեդևա–Բաբասյանի սահմանած ռեկորդը։
