Հայկական ազգային կազմակերպությունների և հայ համայնքի ներկայացուցիչները ժամանել են օդանավակայան` քվեարկելու համար։ Պաշտոնական մասից հետո հայերը սկսել են պարել։ Երեկոյի ակտիվ մասնակիցներից է եղել «Սիմֆերոպոլի տեղի հայկական ազգային մշակութային ինքնավարության» նախագահ Արմեն Մարտոյանը։
Ղրիմի բնակիչներին առաջարկում են քվեարկել Սիմֆերոպոլի օդանավակայանը աշխարհահռչակ ծովանկարիչ Հովհաննես Այվազովսկու, Եկատերինա 2–րդ կայսրուհու կամ նավատորմավար Պավել Նախիմովի անունով անվանակոչելու համար։ Եզրափակիչ քվեարկությունը կտևի նոյեմբերի 12-30–ը։ Քվեարկել կարելի է «մեկ ձայն – մեկ օդանավակայան – մեկ անուն» սկզբունքով։
Նշենք, որ Սիմֆերոպոլ քաղաքի նոր տերմինալը` «Ղրիմի ալիքը», գործարկվել է 2018թ.–ի ապրիլի 16–ին և կես տարում սպասարկել է 3,8 միլիոն ուղևորների և ավելի քան 26 հազար չվերթների։
