ԵՐԵՎԱՆ, 14 նոյեմբերի — Sputnik. «Ժամանակ» օրաթերթը հրապարակել է ՀՀԿ համամասնական ցուցակի առաջին ութնյակի մասին իր ունեցած տեղեկությունները։ Ըստ թերթի` ցուցակը կգլխավորի պաշտպանության նախկին նախարար, ՀՀԿ փոխնախագահ Վիգեն Սարգսյանը, որի կհաջորդեն Արփինե Հովհաննիսյանը, Դավիթ Շահնազարյանը, Վահրամ Բաղդասարյանը, Արմեն Աշոտյանը, Էդուարդ Շարմազանովը, Մենուա Հարությունյանը, Կարինե Աճեմյանը:
«Փաստորեն, 2017թ. ՀՀԿ ցուցակի առաջին եռյակում Տարոն Մարգարյանին փոխարինել է Դավիթ Շահնազարյանը»,– գրում է թերթը:
Հիշեցնենք` նախընտրական ցուցակների ԿԸՀ ներկայացման ժամկետը լրանում է այսօր` նոյեմբերի 14-ին, ժամը 18։00։ Քաղաքական ուժերը մինչ այդ հրաժարվում են հրապարակել իրենց ցուցակները։
