Սարգսյան. «Այս ընտրություններն ընդդիմություն ընտրելու մասին են, ոչ թե իշխանություն»

ՀՀԿ ցուցակի հրապարակումից հետո ընտրողն ի վիճակի կլինի գնահատել, թե որքանով է ՀՀԿ–ին հաջողվել սրբագրվել։ Sputnik Արմենիա ռադիոկայանի եթերում ասել է ՀՀԿ փոխնախագահ Վիգեն Սարգսյանը։

«Այս ընտրություններում կա ակնհայտ  առաջնորդ, որը ստանալու է մեծամասնություն ու ձևավորելու է գործադիր իշխանություն։ Իսկ նրանք, ովքեր ցանկանում են, որ այդ առաջնորդն ու այդ քաղաքական ուժն ունենա հավասարակշռող գործիքակազմ խորհրդարանում և ժողովուրդն էլ ունենա իրական լծակ վերահսկելու այդ նույն կառավարության աշխատանքը, պետք է կողմնորոշվի, թե ում է վստահում այս ընտրություններում ընդդիմության դերը»,– ասել է Սարգսյանը։

Նրա խոսքով, այս ընտրություններն ավելի շատ ընդդիմություն ընտրելու մասին են և ոչ թե իշխանություն։