«Հանա Մոնտանա» պատանեկան սերիալի աստղ Մայլի Սայրուսը, Ջարեդ Բաթլերը, որը «300 սպարտացիները» ֆիլմի գլխավոր դերակատարն ու կանադացի երգիչ Նիկ Յանգն այն աստղերի թվում են, որոնք զրկվել են իրենց էլիտար տներից։
Այս տարվա նոյեմբերին Կալիֆոռնիայում բռնկված հրդեհը նահանգի պատմության ընթացքում ամենակործանիչն է ու ռեկորդային՝ զոհերի թվով։ Տվյալ պահին հայտնի է 31 մահացածի մասին։
Կրակը գրեթե ամբողջովին ոչնչացրել է նահանգի հյուսիսում գտնվող Պարադայս քաղաքը։ Հրդեհներ են բռնկվել նաև Մալիբու ու Կալաբասաս քաղաքներում, որտեղ գտնվում են հոլիվուդյան աստղերի ու հայտնի երաժիշտների տները։
Հրդեհների պատճառով հայտնի մարդիկ ստիպված արագորեն հավաքվել ու տարհանվել են սովորական քաղաքացիների պես։ Ավելի ուշ աստղերից մի քանիսը սարսափով իմացել են, որ իրենց շքեղ անշարժ գույքից միայն մոխիր է մնացել։
Տնից զրկվել է նաև հոլիվուդյան աստղ Ջարեդ Բաթլերը։ Նա իր թվիթերյան էջում այրված տան ֆոնին լուսանկար է հրապարակել։
