ԵՐԵՎԱՆ, 13 նոյեմբերի – Sputnik. Հայաստանի ֆուտբոլի ֆեդերացիան ցանկանում է Ազգային մարզադաշտ կառուցել 33.000 հանդիսականի համար, որպեսզի այն կարողանա հյուրընկալել նաև Եվրոպա լիգայի մրցաշարի եզրափակիչը: Ինչպես հայտնում է armsport.am–ը, ՀՖՖ նախագահ Արթուր Վանեցյանն այս մասին ասել է երեկ` նոյեմբերի 12-ին, լրագրողների հետ հանդիպման ժամանակ։
Մարզադաշտը կարժենա մոտավորապես 100 մլն դոլար: Վանեցյանն ասել է, որ դա իր երազանքներից մեկն է։
Նախատեսվում է նաև Հայաստանի ֆուտբոլի ֆեդերացիան տեղափոխել «Ազգային» ստադիոնի տարածք:
Հանդիպման ընթացքում քննարկվել է նաև «Հրազդան» մարզադաշտի հարցը. ՀՖՖ նախագահն ասել է, որ կառույցը Հայաստանի բանկերից մեկում 26 միլիոն դոլարի դիմաց գրավ է դրված։ Հիշեցրել է նաև, որ վերակառուցման համար ահռելի գումար է հարկավոր։
Վանեցյանը նշել է, որ կարևորագույն հարցերից մեկը ֆուտբոլը մարզերում զարգացնելն է։
