Դիանա Գասպարյան
Էջմիածնի քաղաքապետ Դիանա Գասպարյանն առաջիկա խորհրդարանական ընտրություններին չի մասնակցի։ Այս մասին այսօր Գասպարյանն ասաց լրագրողների հետ զրույցում` հերքելով մամուլում տարածված տեղեկությունները իր` ռեյտինգային ընտրակարգով առաջադրվելու մասին։
«Դա իրականությանը չի համապատասխանում։ Ինձ էջմիածինցիները վստահել են որպես քաղաքապետ, և ես առաջիկա 5 տարում այդ վստահությունն արդարացնելու առաքելություն ունեմ»,– ասաց նա։
Խոսելով Էջմիածնի մասին` քաղաքապետը վստահեցրեց, որ այսօր քաղաքում որևէ օլիգարխիկ կլան չկա։
Դիանա Գասպարյանն Էջմիածին համայնքի ղեկավարի պաշտոնակատար էր նշանակվել ՀՀ վարչապետ Նիկոլ Փաշինյանի` 2018թ հունիսի 22–ի որոշմամբ։ Հոկտեմբերի 21-ին նա ընտրվեց Էջմիածին համայնքի ղեկավար:
Նշենք, որ ԱԺ արտահերթ ընտրությունը նախատեսված է դեկտեմբերի 9-ին։
