ԵՐԵՎԱՆ, 9 նոյեմբերի – Sputnik. ՀՀ նախագահ Սարգսյանն այսօր այցելել է սիրված դերասան և ռեժիսոր Երվանդ Մանարյանին և նրան հանձնել Հայաստանի Հանրապետության ժողովրդական արտիստի կոչման կրծքանշանը և շնորհագիրը:
![Արմեն Սարգսյանն այցելել է Երվանդ Մանարյանին. մտերմիկ զրույց սիրված արտիստի բնակարանում Արմեն Սարգսյանն այցելել է Երվանդ Մանարյանին. մտերմիկ զրույց սիրված արտիստի բնակարանում - Sputnik Արմենիա](https://cdn.am.sputniknews.ru/img/1558/35/15583532_0:0:1445:1044_600x0_80_0_0_25d121896322bd4ebb6153ba625e6ee1.jpg)
Նոյեմբերի 5-ին ՀՀ նախագահի հրամանագրով Մանարյանին Հայաստանի Հանրապետության ժողովրդական արտիստի պատվավոր կոչում է շնորհվել հայ մշակույթի բնագավառում ունեցած ծանրակշիռ վաստակի համար:
![Արմեն Սարգսյանն այցելել է Երվանդ Մանարյանին. մտերմիկ զրույց սիրված արտիստի բնակարանում Արմեն Սարգսյանն այցելել է Երվանդ Մանարյանին. մտերմիկ զրույց սիրված արտիստի բնակարանում - Sputnik Արմենիա](https://cdn.am.sputniknews.ru/img/1558/40/15584095_0:0:1500:1000_600x0_80_0_0_ff6e4536522e4d2aa5fe2f2d1008f72e.jpg)
«Ես մեծ, հաճելի պարտականություն ունեմ, մի բան, որը երևի թե պետք է անեին ինձնից 30-40 տարի առաջ: Կարծում եմ՝ սա մեր ժողովրդի կողմից Ձեր երկար տարիների աշխատանքի ամենաբարձր գնահատականն է: Այս սերը միշտ է եղել, Դուք միշտ եղել եք ժողովրդական արտիստ: Ժողովրդականը հրամանով չի լինում, լինում է ժողովրդի միջից»,-ասել է նախագահ Սարգսյանը:
Շնորհակալություն հայտնելով բարձր կոչման ու պարգևի համար՝ Երվանդ Մանարյանն ասել է, որ այն իր ողջ անցած կյանքի գնահատականն է:
«Սա Ձեր ապրած կյանքի գնահատականն է»,-արձագանքել է Հանրապետության նախագահը:
![Արմեն Սարգսյանն այցելել է Երվանդ Մանարյանին. մտերմիկ զրույց սիրված արտիստի բնակարանում Արմեն Սարգսյանն այցելել է Երվանդ Մանարյանին. մտերմիկ զրույց սիրված արտիստի բնակարանում - Sputnik Արմենիա](https://cdn.am.sputniknews.ru/img/1558/38/15583814_0:0:1500:1000_600x0_80_0_0_c762bb926a520ecd6e86a843e87e8d20.jpg)
Նախագահ Սարգսյանը պարզ ու մտերմիկ զրույց է ունեցել մեծանուն արտիստի հետ, որին հիշում է դեռ իր մանկության տարիներից, իր ծնողների հետ համատեղ ընկերական և բարեկամական հավաքներից:
Արմեն Սարգսյանն ասել է, որ այդ հեռավոր տարիների մասին պատմող լուսանկարները պահպանվում են իր ընտանեկան ալբոմներում:
![Արմեն Սարգսյանն այցելել է Երվանդ Մանարյանին. մտերմիկ զրույց սիրված արտիստի բնակարանում Արմեն Սարգսյանն այցելել է Երվանդ Մանարյանին. մտերմիկ զրույց սիրված արտիստի բնակարանում - Sputnik Արմենիա](https://cdn.am.sputniknews.ru/img/1558/36/15583606_0:0:1500:1000_600x0_80_0_0_3cc4d3e0d736d395cf19b0a3c3ad8757.jpg)
«Լուսանկարներից բացի, մնում են նաև հիշողությունները»,- ավելացրել է նախագահ Սարգսյանը և հիշել մանուկ հասակում Երվանդ Մանարյանի հետ կապված հետաքրքիր դեպքեր:
![Արմեն Սարգսյանն այցելել է Երվանդ Մանարյանին. մտերմիկ զրույց սիրված արտիստի բնակարանում Արմեն Սարգսյանն այցելել է Երվանդ Մանարյանին. մտերմիկ զրույց սիրված արտիստի բնակարանում - Sputnik Արմենիա](https://cdn.am.sputniknews.ru/img/1558/38/15583884_0:0:1500:1000_600x0_80_0_0_179480d2e12afcbf23c815f3c19aa34b.jpg)
Սիրված արտիստն ու նախագահ Սարգսյանը ջերմ և անկեղծ մթնոլորտում զրուցել են արվեստի, մշակույթի մասին։
![Արմեն Սարգսյանն այցելել է Երվանդ Մանարյանին. մտերմիկ զրույց սիրված արտիստի բնակարանում Արմեն Սարգսյանն այցելել է Երվանդ Մանարյանին. մտերմիկ զրույց սիրված արտիստի բնակարանում - Sputnik Արմենիա](https://cdn.am.sputniknews.ru/img/1558/37/15583743_0:0:1500:1000_600x0_80_0_0_3e627d771b1e4850caa2c9017894c638.jpg)