ԵՐԵՎԱՆ, 7 նոյեմբերի – Sputnik. Այսօրվա ցավալի ավտովթարից զոհվել են չորս ժամկետային զինծառայողներ: Facebook սոցիալական ցանցում այս մասին գրել է ՊՆ մամուլի խոսնակ Արծրուն Հովհաննիսյանը և հրապարակել նրանց անունները.
1. Հայրապետ Վոլոդյայի Նաիրյան 1998թ. ծնված, 2017/1 զորակոչ, Էրեբունու ԶԿ,
2. Հրանտ Արայի Գասպարյան 1998թ. ծնված, 2017/1 զորակոչ, Շահումյանի ԶԿ,
3. Էդգար Արմենի Հունանյան 1998թ. ծնված, 2017/1 զորակոչ, Հրազդանի ԶԿ,
4. Դավիթ Բենիամինի Մելքոնյան 1998թ. ծնված, 2017/1 զորակոչ, Թալինի ԶԿ։
Նա նշել է, որ կան նաև վիրավորներ, որոնց տեղափոխում են Սիսյանի հոսպիտալ և Գորիսի ԲԿ: Նախնական տեղեկություններով` մեկն ունի կոտրվածքներ, ծայրահեղ ծանր վիճակ չկա ոչ մեկի մոտ:
ՀՀ ՊՆ համարանիշներով ավտոմեքենան վթարի է ենթարկվել այսօր, ժամը 12։00-ի սահմաններում Գորիսից դեպի Կուբաթլի ճանապարհին։
