ԵՐԵՎԱՆ, 4 նոյեմբերի — Sputnik. Նոր պատժամիջոցները չեն ստիպի Իրանին կատարել Միացյալ Նահանգների պահանջները:
Այս մասին ՌԻԱ Նովոստիին տված հարցազրույցում ասել է ԱՄՆ նախկին նախագահ Բարաք Օբամայի՝ Մերձավոր Արևելքի գծով նախկին օգնականներից Ռոբերտ Մալլին:
«Նրանց պահանջած փոփոխություններն այնքան հիմնարար են, որ պատկերացնել դրանց ի կատար ածումը գործող ռեժիմի պայմաններում ուղղակի անհնարին է», - ասել է Մալլին:
Նա նաև նկատել է, որ այս ամենի հետ մեկտեղ Վաշինգտոնում ոչ ոք բացահայտ չի խոսում Իրանում ռեժիմի փոփոխության նպատակի մասին:
«Իմ ճանաչած մարդկանցից որևէ մեկը չի կարծում, որ Իրանում նայելու են այդ ցուցակին ու մտածեն՝ «Վայ, սրանցից որ մեկը մենք կատարենք», - եզրափակել է Մալլին:
Հիշեցնենք, որ Իրանի դեմ ԱՄՆ նոր պատժամիջոցները ուժի մեջ կմտնեն վաղը՝ նոյեմբերի 5-ին:
