ԵՐԵՎԱՆ, 1 նոյեմբերի — Sputnik. ՀՀ արտգործնախարարությունը դեռ չի հաստատել իր մասնակցությունը Բաքվում կայանալիք Սևծովյան տնտեսական համագործակցության անդամ երկրների արտգործնախարարների խորհրդի նիստին։
Նշենք, որ Սևծովյան տնտեսական համագործակցության անդամ երկրների արտաքին գործերի նախարարների խորհրդի հերթական նիստը կկայանա Բաքվում դեկտեմբերի 14-ին։ Այս մասին հայտնել է Ադրբեջանի արտգործնախարար Էլմար Մամեդյարովը Սոֆիայում անցկացվող Ադրբեջան–Բուլղարիա ռազմավարական երկխոսության առաջին նիստի ժամանակ։
Sputnik Արմենիան հայկական պատվիրակության մասնակցության հարցը փորձեց ճշտել ՀՀ արտգործնախարարությունից։
«Այցերի մասին ծանուցումները, ինչպես ընդունված է, արվում են համապատասխան ժամկետներում», – ասաց ԱԳՆ մամուլի քարտուղար Աննա Նաղդալյանը։
Նշենք, որ Հայաստանը ներկա է եղել 2009 թվականին Բաքվում ՍԾՏՀ ԱԳՆ ղեկավարների 21-րդ հանդիպմանը։ Հայկական պատվիրակությունը գլխավորել է ՀՀ փոխարտգործնախարար Արման Կիրակոսյանը։
Ադրբեջանը ՍԾՏՀ նախագահությունն ընդունել է 2018 թվականի հունիսին։
