ԵՐԵՎԱՆ, 31 հոկտեմբերի — Sputnik. Կուսակցությունների մեծամասնության մոտ խուճապային տրամադրություններ են: Այս մասին գրում է «Ժամանակ» թերթը` նշելով, որ Ընտրական օրենսգրքի փոփոխությունների տապալումը էականորեն դժվարացնելու է նրանց մասնակցությունը առաջիկայում տեղի ունենալիք խորհրդարանական արտահերթ ընտրություններին:
«Եթե ԸՕ փոփոխություններով հավանական էր 2 տոկոս հավաքած կուսակցության հայտնվելը խորհրդարանում, հիմա արդեն անհնար է: Բացի այդ, կուսակցությունների մեծամասնությունը չունի համապատասխան թվով ռեյտինգային թեկնածուներ, և այդ հանգամանքը էականորեն նվազեցնում է ընտրություններին մասնակցելու նրանց հնարավորությունը»,- նշված է հոդվածում:
Պարբերականը գրում է, որ ընտրություններին մասնակցել-չմասնակցելու հարցը այս օրերին ակտիվորեն քննարկվում է ՕԵԿ-ում, ՀԱԿ-ում, «Ժառանգությունում» և բազմաթիվ այլ քաղաքականապես ակտիվ կուսակցություններում»:
