ԵՐԵՎԱՆ, 30 հոկտեմբերի — Sputnik. Իսրայելի ԱԳՆ–ն Тwitter–ի իր էջում հայկական համայնքի մասին ռեպոտաժ է նկարահանել։
Իսրայելում մինչ այժմ մոտ 11 հազար հայ է ապրում։ Նրան պահում են իրենց լեզուն, մշակույթն ու հավատքը, նշվում է ռեպորտաժի տեքստում։
Հանդիսատեսին ցույց են տալիս Հայֆայի մի քանի «հայկական անկյունները». հայկական եկեղեցին, հայկական կենտրոնը, կավագործության կենտրոնը։ Իսկ վերջում հեղինակները այցելել են հայկական խոհանոցի շեֆ–խոհարարին։
Հայերն ապրում են Իսրայելում, Սուրբ հողում, V դարից, ասում է Հայֆայում հայկական եկեղեցու վանահայր Տիրայր քահանա Հովակիմյանը։
«1915 թվականից հետո այստեղ հայերի հոլոքոստից փախչող բազում մարդիկ են եկել։ Խորհրդային միության փլուզումից հետո խառը ամուսնություններում գտնվող բազում հայեր են եկել», – ավելացնում է նա։
Վանահայրն ասում է, որ հայերը պահպանում են իրենց հավատքն ու լեզուն։
The Armenian community in Israel consists of over 11 thousand people, many of them live in Haifa, where they continue to maintain their culture, language, customs and their social religious heritage. pic.twitter.com/x4YTzuYRUe
— Israel Foreign Min. (@IsraelMFA) October 29, 2018
«Եթե ուրանում ես քո հավատքը, լեզուն, ավանդույթները, եթե եկեղեցի աղոթելու չես գնում, չես մասնակցում համայնքի կյանքին, ուրեմն դու հայ չես», – ընդգծում է նա։
Արփինե Կուզույան–Դեմիրճյանը, հայկական խոհանոցի խոհարարը, ցույց է տալիս այն` ինչով հայտնի է լևանտական խոհանոցի ընկերական ընտանիքը։ Դա հայկական տոլման ու բաստուրման է, որը սիրում են հարևան Լիբանանում, Սիրիայում ու Հորդանանում։ Իսկ կողքի հայտնի արաբական ուտեստների հայկական տարբերակներն են` ֆաթաեր կարկանդակներ ու թաբուլե աղցան։
