ԵՐԵՎԱՆ, 30 հոկտեմբերի — Sputnik. Հայաստանի ու Ռուսաստանի միջև ապրանքաշրջանառությունը 23%-ով աճել է, երբ իշխանության է եկել Նիկոլ Փաշինյանի ձևավորած կառավարությունը։ Այս մասին «Էխո Մոսկվի» ռադիոկայանի ուղիղ եթերում ասել է Ռուսաստանում Հայաստանի դեսպան Վարդան Տողանյանը։
«Եթե նայենք Ռուսաստանի հետ ապրանքաշրջանառության վիճակագրությունը, ապա 2017 թվականը ԽՍՀՄ փլուզումից ի վեր ռեկորդային էր մեր հարաբերությունների պատմության մեջ։ Իսկ 2018 թվականի հունվար-օգոստոս ամիսների արդյունքում ապրանքաշրջանառության 23% աճ է գրանցվել», — ասել է դիվանագետը։
Նրա խոսքով` նույնիսկ հակառուսական պատժամիջոցների ֆոնին (որոնք անդրադառնում են նաև Հայաստանի վրա) երկիրը չի կորցնում հունը։
