«Համով Հայաստան» նախագծի շրջանակներում Sputnik Արմենիայի թղթակիցները կպատմեն, թե ինչպես պատրաստել «մոկկա», ինչպես նաև այն մասին, թե ինչու է Կոլումբիայի նախագահ Իվան Դուկան նախընտրում «Արմենիա» սուրճը։
Կոլումբիայում «Արմենիա» սուրճը յուրահատուկ են համարում, քանի որ այն սահմանափակ ծավալներով է արտադրվում։ Կոլումբիայի նախկին նախագահ Խուան Մանուել Սանթոսի արարողակարգի ծառայությունը 2012 թվականին այն ներառեց պաշտոնական հանդիպումներին մատուցվող ըմպելիքների ցանկում։
«Այն ամենալավն է և մեծ հարգանք է վայելում Կոլումբիայում։ Հենց այդ սուրճն է գերադասում խմել Կոլումբիայի նախագահը, այն հյուրասիրում են բոլոր բարձրաստիճան հյուրերին», –Sputnik Արմենիայի թղթակցի հետ զրույցում ասաց հաստատություններից մեկի խորհրդատու Աննա Ավետիսյանը։
Նրա խոսքով` ըմպելիքին յուրահատուկ համ է հաղորդում նաև «Էսկոբար» շոկոլադը։
Մանրամասները` տեսանյութում։
