ԵՐԵՎԱՆ, 28 հոկտեմբերի –Sputnik. Քվեարկության օրը տաք բանավեճ է տեղի ունեցել Վրաստանի նախագահի թեկնածու` «Վրաստանի լեյբորիստական կուսակցության առաջնորդ» Շալվա Նաթելաշվիլիի ու ընտրական հանձնաժողովի անդամների միջև, հայտնում է «ՏՎ Պիրվելի» հեռուստաընկերությունը։
«Ամենաթողություն է։ Ընտրատեղամասերում կոնկրետ խմբեր քարոզ են անում, իսկ դա անօրինական է։ Եթե իշխանությունն ընտրությունները կեղծի, կոչ եմ անում բոլորին փողոց դուրս գալ և գահընկեց անել», – հայտարարել է Նաթելաշվիլին։ Ընտրատարածքից ուղիղ հեռարձակում էին իրականացնում վրացական հեռուստաընկերությունները։
Հիշեցնենք, որ Վրաստանում հերթական նախագահական ընտրություններն անցկացվում են այսօր։ Դրանք նախագահի վերջին ուղիղ ընտրություններն են։ Զուրաբիշվիլիից բացի նախագահի պաշտոնի համար մրցում են «Վրաստանի լեյբորիստական կուսակցության առաջնորդ» Շալվա Նաթելաշվիլին, «Գիրչի» ընդդիմադիր կուսակցության առաջնորդ Զուրաբ Ջափարիձեն, «Վրացական մարշ» շարժման առաջնորդ Սանդրո Բրեգաձեն, Վրաստանի խորհրդարանի նախկին նախագահ Դավիթ Ուսուպաշվիլին, գործող նախագահ Գեորգի Մարգվելաշվիլին։
