ԵՐԵՎԱՆ, 27 հոկտեմբերի — Sputnik. Անհայտ անձը կրակ է բացել ամերիկյան Փենսիլվանիա նահանգի Փիթսբուրգ քաղաքում։ Լրատվամիջոցները հայտնում են 8 զոհի մասին։
Տուժածների վերաբերյալ տվյալներ չկան։ Ենթադրվում է, որ տղամարդը կրակել է ինքնաձիգից։
Տղամարդը շենք է ներխուժել այն պահին, երբ սինագոգում հավաքված հավատացյալներն աղոթել են։
ԱՄՆ նախագահ Դոնալդ Թրամփն արդեն տեղյակ է դեպքի մասին։
«Հետևում եմ Փիթսբուրգի իրադարձություններին։ Իրավապահ մարմինները դեպքի վայրում են։ Սքվիրել Հիլ շրջանի մարդիկ պետք է թաքստոցում մնան։ Կարծես՝ մի քանի մարդ զոհվել է։ Զգույշ մնացեք հրաձիգից։ Աստված օրհնի բոլորին», — գրել է Թրամփը Twitter-ում։
Սինագոգում շաբաթ օրերին մեծ թվով հավատացյալներ են լինում, նրանք գալիս շաբաթօրյա ժամերգության։ KDKA հեռուստաընկերությունը հայտնում է, որ տուժել են երկու ոստիկան, ենթադրաբար` հարձակվողի հետ հրաձգության ժամանակ։
