ԵՐԵՎԱՆ, 26 հոկտեմբերի — Sputnik. Ջիգարխանյանի անվան Դրամատիկական թատրոնի գեղարվեստական ղեկավարը չի կարողացել ուրբաթ գնալ «Մոլյեր» ներկայացման պրեմիերային։
Այս մասին ՌԻԱ Նովոստիի հաղորդմամբ, լրագրողներին ասել է բեմադրող ռեժիսոր Սերգեյ Վինոգրադովը։
Նշենք, որ մի երկու շաբաթ առաջ դերասանին հիվանդանոց են տեղափոխել։ Ավելի ուշ` Ջիգարխանյանի ընկերը` Արթուր Սողոմոնյանն ասել էր, որ արտիստը լավանում է ու շաբաթվա վերջ նրան կարող են դուրս գրել։
Ուրբաթ թատրոնում կայացավ «Մոլյեր» ներկայացման պրեմիերան` Միխայիլ Բուլգակովի «Սրբերի ստրկացում» պիեսի հիման վրա։ Բեմադրությունը նվիրված է Ջիգարխանյանի ծննդյան օրվան։
«Ցավոք, պարոն Ջիգարխանյանը չի գա։ Մինչև վերջ հույս ունեինք, որ կգա, բայց այդպիսի հնարավորություն չկա։ Հեռախոսով խոսեցի նրա հետ, նա դեռ պետք է որոշ պրոցեդուրաներ անցնի», –ասաց Վինոգրադովը։
Նա ավելացրեց, որ Ջիգարխանյանը վշտացել է ու խոր ցավ է ապրում հայտնի դերասան Նիկոլայ Կարաչենցևի մահվան առիթով։
Այնուամենայնիվ, Վինոգրադովը նշել է, որ գեղարվեստական ղեկավարը իր թատրոնի արտիստներին հաջող աշխատանք է մաղթում, քանի որ այդ բեմադրությունն իր համար շատ կարևոր է։
