ԵՐԵՎԱՆ, 25 հոկտեմբերի — Sputnik. Վերնաշեն գյուղի բնակիչ, 80-ամյա Ֆելիքս Առաքելյանը հոկտեմբերի 24-ին դիմել է Ոստիկանության Եղեգնաձորի բաժին և հայտնել, որ գիշերը ժամը 04:00-ի սահմաններում դիմակավորված անձը իր տան պատուհանի փեղկը բացել ու մտել է տուն, ծեծի ենթարկել իրեն և մուրճով մի քանի անգամ հարվածել դեմքին։
25 հոկտեմբերի 2018, 11:52
Ըստ shamshyan.com-ի` տղամարդը հայտնել է, որ դիմակավորված անձը տնից հափշտակել է 210 հազար դրամ և 2 թանկարժեք կոնյակ:
Դեպքի վայր են ժամանել ոստիկաններն ու քննիչները։
Առաքելյանը մարմնական վնասվածքներով տեղափոխվել է Եղեգնաձոր բժշկական կենտրոն:
Հայաստանի քննչական կոմիտեի Վայոց Ձորի մարզային քննչական վարչությունում հարուցվել է քրեական գործ:
