ԵՐԵՎԱՆ, 20 հոկտեմբերի — Sputnik, Արմենուհի Մխոյան. Հոկտեմբերի 20-ին ամբողջ աշխարհում խոհարարները նշում են իրենց մասնագիտական տոնը: Օրը թեև տոնական էր, բայց սովորական օրերից ոչնչով չէր տարբերվում 102-րդ ռազմաբազայի խոհարարների համար: Միմյանց շնորհավորելուց հետո Գյումրիում տեղակայված 102-րդ ռազմաբազայի Սիվերսկի զորամասի խոհարարներն իրենց սովորական` 5-րոպեանոց խորհրդակցությունն անցկացրին, լսեցին տեխնոլոգի և ճաշարանի պատասխանատուի ցուցումները՝ օրվա ճաշատեսակների հետ կապված, ապա անմիջապես անցան աշխատանքի:
![День повара в 102-й военной базе, Гюмри День повара в 102-й военной базе, Гюмри - Sputnik Արմենիա](https://cdn.am.sputniknews.ru/img/1521/42/15214233_0:0:1600:1200_600x0_80_0_0_71156e5fac04d04cb88a2458629f60af.jpg)
Խոհարարներն իրենք էին որոշել զինվորներին ավելի ուրախացնելու համար ազգային՝ ռուսական կերակուրներ պատրաստել. այն, ինչ նրանք ավելի են նախընտրում (թեև ռուսական, սլավոնական ճաշատեսակի օրեր պարբերաբար կազմակերպում են Գյումրիում, և հեռավոր Հայաստանում ծառայություն անցնող զինվորները չեն հասցնում կարոտել իրենց մայրերի պատրաստած ճաշատեսակները): Ինչպես միշտ, այս անգամ ևս ճաշացանկում 2 առաջին, 3 խավարտ, 3 մսային ճաշատեսակ և սալաթի 2 տեսակ կար:
Ի դեպ, 2017 թվականից ռուսական ռազմաբազայի սննդամթերքի ապահովման և պատրաստման գործառույթն իրականացնում է «Պոտենցիալ» ՍՊԸ-ի հայաստանյան մասնաճյուղը:
«Ունենք 200 աշխատող, որոնք զբաղվում են ռազմաբազայի սննդամթերքի ապահովմամբ և պատրաստմամբ: Ոչ միայն խոհարարներն են տեղացի, այլ նաև սննդամթերքն է տեղական արտադրության: Մթերքները ընդունվում է ՌԴ ԶՈւ չափորոշիչներով ու նորմերով»,- Sputnik Արմենիային նշեց ՍՊԸ-ի հայաստանյան մասնաճյուղի տնօրեն Վահե Աբելյանը:
Խոհանոցում մաքրությանն ու տեխնիկական նորմերի պահպանմանը հետևում է արտադրամասի պետ Լիլիթ Հովսեփյանը և վստահեցնում՝ այստեղ` զորամասում, ամեն ինչ պատրաստվում է սիրով ու տնական:
![День повара в 102-й военной базе, Гюмри День повара в 102-й военной базе, Гюмри - Sputnik Արմենիա](https://cdn.am.sputniknews.ru/img/1521/44/15214453_0:0:1600:1200_600x0_80_0_0_87960c83b145733dcc5a504806ecde79.jpg)
«Տանը պատրաստում եմ, բայց երբեմն տանը նույնկերպ կանոններին չեմ հետևում, ինչպես այստեղ: Ռազմաբազայի խոհանոցում արդեն 6-րդ տարի եմ աշխատում, իմ գործը շատ եմ սիրում ու սիրով եմ անում, եթե սիրով չանենք, ճաշերը համեղ չեն ստացվի»,- ասաց Հովսեփյանը` նշելով, որ ամենից շատ սիրում է «տնական սոլյանկա» պատրաստել, ինչը զինվորները շատ են սիրում:
![Հայ խոհարարները ռուսական 102-րդ ռազմակայանում Հայ խոհարարները ռուսական 102-րդ ռազմակայանում - Sputnik Արմենիա](https://cdn.am.sputniknews.ru/img/1521/45/15214561_0:0:1601:1006_600x0_80_0_0_8a53bbbb00674a1e5f8b8ffbd11a5e7f.jpg)
![Հայ խոհարարները ռուսական 102-րդ ռազմակայանում Հայ խոհարարները ռուսական 102-րդ ռազմակայանում - Sputnik Արմենիա](https://cdn.am.sputniknews.ru/img/1521/46/15214669_0:0:1600:1006_600x0_80_0_0_d165a6ecc03dca2ce6e8bb614f3065e4.jpg)
![Հայ խոհարարները ռուսական 102-րդ ռազմակայանում Հայ խոհարարները ռուսական 102-րդ ռազմակայանում - Sputnik Արմենիա](https://cdn.am.sputniknews.ru/img/1521/48/15214825_0:194:1601:1200_600x0_80_0_0_55f72675176f0b5b7f9f7f0bd178a522.jpg)
![Հայ խոհարարները ռուսական 102-րդ ռազմակայանում Հայ խոհարարները ռուսական 102-րդ ռազմակայանում - Sputnik Արմենիա](https://cdn.am.sputniknews.ru/img/1521/48/15214894_0:0:1601:1006_600x0_80_0_0_22195fb0f66322a1b5ba2b956b08ddee.jpg)
![Հայ խոհարարները ռուսական 102-րդ ռազմակայանում Հայ խոհարարները ռուսական 102-րդ ռազմակայանում - Sputnik Արմենիա](https://cdn.am.sputniknews.ru/img/1521/49/15214965_0:1:1393:875_600x0_80_0_0_2cef542325a1eabb900f487a5a255644.jpg)
![Հայ խոհարարները ռուսական 102-րդ ռազմակայանում Հայ խոհարարները ռուսական 102-րդ ռազմակայանում - Sputnik Արմենիա](https://cdn.am.sputniknews.ru/img/1521/50/15215046_0:0:1600:1006_600x0_80_0_0_5ef328bb71cc3732d22e29d604d16c76.jpg)
![Հայ խոհարարները ռուսական 102-րդ ռազմակայանում Հայ խոհարարները ռուսական 102-րդ ռազմակայանում - Sputnik Արմենիա](https://cdn.am.sputniknews.ru/img/1521/53/15215322_0:0:1600:1006_600x0_80_0_0_170cc68e42eee47e27a6bfeadd916455.jpg)
![Հայ խոհարարները ռուսական 102-րդ ռազմակայանում Հայ խոհարարները ռուսական 102-րդ ռազմակայանում - Sputnik Արմենիա](https://cdn.am.sputniknews.ru/img/1521/53/15215395_0:145:1601:1151_600x0_80_0_0_d94f429efe9a0ba10d38d93643315b98.jpg)
![Ռուսական 102-րդ ռազմակայանում Ռուսական 102-րդ ռազմակայանում - Sputnik Արմենիա](https://cdn.am.sputniknews.ru/img/1521/54/15215461_0:194:1601:1200_600x0_80_0_0_cbb6b3ca952f68fa1d7e90e321a9f9a5.jpg)
ՌԴ Վոլգոգրադի մարզի Կամիշին քաղաքից Գյումրի եկած կրտսեր սերժանտ Անդրեյ Սալիկովն էլ վստահեցրեց՝ Հայաստանում չի հասցրել կարոտել ռուսական խոհանոցն ու ճաշատեսակները:
«Այստեղ շատ համեղ են պատրաստում, միշտ թարմ ու մի քանի տեսականի: Տնավարի են պատրաստում: Շատ եմ սիրում սոլյանկան: Խոհանոցում շատ լավ ու բարեհամբույր մարդիկ են աշխատում»,- ասաց Անդրեյը՝ իր ու ընկերների անունից շնորհավորելով խոհարարներին մասնագիտական տոնի առթիվ:
Խոհարարի միջազգային տոնը սահմանվել է 2004թ-ին Խոհարարական ընկերությունների համաշխարհային միության նախաձեռնությամբ։ Խոհարարի միջազգային տոնը (International Chefs Day) նշում են աշխարհի ավելի քան 70 երկրում։