«Մինսկի խմբի համանախագահությունը միշտ էլ ընդգծել է, որ իրենք կատարողներ չեն, պարզապես միջնորդներ են։ Միլսի հռետորաբանության մեջ կիրառվում է «պետք» է, «անխուսափելի» է բառերը։ Ի՞նչ է սա` դատավորի մոտեցում, թե՞ միջնորդի։ Եթե այդպես է, արդյո՞ք պետք չի նույնը հայտարարել Բաքվում` ասել, դուք պետք է ճանաչեք Արցախի անկախությունը։ Այս դեպքում գուցե ինչ-որ կերպ բացատրելի լիներ նման դիրքորոշումը»,–ասում է Դավիթ Բաբայանը։
Նա հիշեցնում է, որ մենք գրավյալ տարածքներ չունենք։ Որովհետև գրավյալ տարածքը նախապես ծրագրած ինչ-որ տարածքի զավթումն է` սեփական կարիքների համար։ Մենք ստիպված ազատագրել ենք մեր իսկ պատմական հողերի մի մասը։ «Այս պահի դրությամբ էլ Ադրբեջանը շարունակում է իր հայատյաց քաղաքականությունը։ Բա այդ դեպքերում ինչի է պապանձվում միջազգային հանրությունը»,–բարձրաձայնում է Բաբայանը։
Նա հիշեցնում է, որ մենք ևս Ադրբեջանում տարածքներ ունենք, և եթե խոսում եք սահմանների մասին, բոլոր այս խնդիրները պետք է կարգավորել։ «Հակառակ դեպքում ավելի սարսափելի պատերազմի կարելի է սպասել։ Կամ ինչ է նշանակում տարածքներ` խաղաղության դիմաց։ Խաղաղության դիմաց միայն խաղաղություն են առաջարկում»,–ընդգծում է մամուլի խոսնակը։
Հիշեցնենք` երեկ Միլսը evnreport կայքին տված հարցազրույցում անդրադարձել էր ղարաբաղյան խնդրի կարգավորմանը և ասել, որ ցանկացած կարգավորում պահանջում է գրավյալ տարածքների մի մասի վերադարձ։
