«Համով Հայաստան» խոհարարական նախագծի այս թողարկման մեջ Sputnik Արմենիայի թղթակիցները ցույց կտան՝ ինչպես ճիշտ «չխրթմա» պատրաստել։ Այս հարցում մեզ օգնեց երևանյան ռեստորաններից մեկի շեֆ-խոհարար Սոսո Մամուլաշվիլին։
Ապուրը պատրաստելու համար խաշում են հավը, արգանակին ավելացնում են արևածաղկի ձեթով տապակած սոխ։ «Չխթրման» տարբերվում է հավով այլ ապուրներից այն բանով, որ դրա մեջ շատ քացախ ու ձու են ավելացնում։ Համեմում են աղով ու պղպեղով, կանաչի ու ալյուր են ավելացնում ու ապուրը պատրաստ է։
«Շատերը կարագ են սիրում։ Բայց խորհուրդ չի տրվում «չխրթմայի» մեջ կարագ ավելացնել։ Քանի որ այն կոտրում է հավի համն ու յուղայնությունը», — Sputnik Արմենիայի թղթակցի հետ զրույցում նշեց Մամուլաշվիլին։
Նա ընդգծեց, որ Հայաստանում նույնպես սիրում են այս ապուրը։ Իսկ թե ինչով է վրացական «չխրթման» գրավել Երևանը, դիտեք տեսանյութում։
