ԵՐԵՎԱՆ, 14 հոկտեմբերի — Sputnik. Ախթալա խոշորացված համայնքի ավագանու մի խումբ անդամներ հայտարարություն են տարածել: Այս մասին ֆեյսբուքի իր էջում գրառում է կատարել Ախթալա համայնքի ավագանու անդամ Ռուդիկ Թամազյանը:
«Հայտնում ենք, որ ողջունում ենք նախաձեռնությանը և առաջարկում ենք Ազնավուր անվանել Ախթալա խոշորացված համայնքի վարչական անվանումը, որտեղ համայնքի մեջ մտնող բոլոր բնակավայրերը կշարունակեն կրել իրենց ներկայիս անվանումները»,- գրել է Թամազյանը:
Հիշեցնենք, որ մի խումբ մարդիկ դիմել էին ՀՀ վարչապետ Նիկոլ Փաշինյանին՝ Ախթալա համայնքը մեծանուն հայազգի շանսոնյեի հիշատակին վերանվանելու առաջարկով:
Խոշորացված համայնքի ավագանու ներկայացուցիչը տեղեկացնում է, որ ավագանու առաջիկա նիստում սույն հայտարարությանը միացած ավագանու անդամները հանդես կգան համապատասխան նախաձեռնությամբ։
