ԵՐԵՎԱՆ, 13 հոկտեմբորի — Sputnik. Վրաստանի տարածքում ՀՀ քաղաքացու բեռնատար է վթարի ենթարկվել, ինչի հետևանքով վարորդը՝ Սամվել Գևորգյանը, մահացել է:
Ինչպես տեղեկացնում է Shamshyan.com-ը, հոկտեմբերի 8-ի լույս 9-ի գիշերը Երևան քաղաքի Շենգավիթ վարչական շրջանի բնակիչ Սամվել Գևորգյանը Freelander 11264 մակնիշի 272 ՍԼ 25 համարանիշի ավտոմեքենայով Ռուսաստանի Դաշնությունից դեպի Երևան ընթանալիս, Թբիլիսի քաղաքից 30 կմ հեռավորության վրա, կեսգիշերին դուրս է եկել հանդիպակաց երթեկելի գոտի և մոտ 15 մետր գլորվել ձորը:
Ավտոմեքենայում, որը բարձված է եղել 22 տոննա ալյուրով, հրդեհ է բռնկվել: Մեքենան ամբողջովին վերածվել է մոխրակույտի: Ֆոտոլրագրողի տեղեկություններով՝ երրորդ օրն է մահացածի ընկերներն ու հարազատները գտնվում են Վրաստանում և չեն կարողանում դին տեղափոխել Հայաստան:
Ըստ նախնական տեղեկությունների՝ շրջանառվում է 2 վարկած. կամ վարորդը ավտոմեքենան վարելիս հանկարծամահ է եղել, կամ ղեկին քնել է:
