ԵՐԵՎԱՆ, 11 հոկտեմբերի – Sputnik. Հայաստանը Լեռնային Ղարաբաղում պաշտպանում է մարդկանց կյանքը:
Այդ մասին հայտարարեց Հայաստանի վարչապետ Նիկոլ Փաշինյանը Երևանում Ֆրանկոֆոնիայի միջազգային կազմակերպության գագաթնաժողովի բացմանը:
«Մենք առաջին հերթին պաշտպանում ենք այդ մարդկանց կյանքը և անվտանգությունը, որովհետև մենք նրանց համար սպառնալիք ենք տեսնում», — հայտարարեց նա:
Նա նշեց Ֆրանկոֆոնիայի կարգախոս «Vivre Ensemble»-ի` «Ապրել միասին»-ի կարևորությունը: Ֆրանկոֆոնիայի գլխավոր արժեքներից մեկը ժողովուրդների խաղաղ գոյակցությունն է: Նման արժեհամակարգը թույլ չի տալիս ռազմական ճանապարհով հակամարտությունների լուծում և թույլ չի տալիս նրանց աջակցություն, ովքեր փորձում են դա անել:
Նա ողջունեց Ֆրանկոֆոնիայի աշխատանքում երիտասարդության դերը: Ապագան նրանցն է և նրանց նախագծերինը, և պետք է օգնել կյանքի կոչել դրանք:
Ֆրանկոֆոնիայի գագաթնաժողովին ժամանել են 38 երկրների առաջնորդներ, այդ թվում՝ Ֆրանսիայի նախագահ Էմանուել Մակրոնը, Կանադայի և Բելգիայի վարչապետներ Ջասթին Տրյուդոն և Շառլ Միշելը, Լիբանանի նախագահ Միշել Աունը:
