ԵՐԵՎԱՆ, 6 հոկտեմբերի – Sputnik. Վայոց Ձորի սահմանամերձ Խաչիկ գյուղում 60-ամյա մոտոցիկլավարը վթարի է ենթարկվել։ Այս մասին հայտնում է shamshyan.com-ը` նշելով, որ դեպքը տեղի է ունեցել այսօր՝ հոկտեմբերի 6-ին։
Ժամը 11։30-ի սահմաններում ոստիկանության Եղեգնաձորի բաժինն ահազանգ է ստացել, որ Արենի-Խաչիկ գյուղամիջյան ճանապարհի 19-րդ կմ հատվածում մոտոցիկլետը դուրս է եկել ճանապարհի երթևեկելի գոտուց և, մոտ 20 մետր գլորվելով, հայտնվել է ձորում։
Ոստիկանները նշված վայրում կողաշրջված մոտոցիկլետի մոտ հայտնաբերել են Խաչիկ գյուղի բնակիչ, 60-ամյա Խաչատուր Գրիգորյանի դին։
