ԵՐԵՎԱՆ, 5 հոկտեմբերի — Sputnik. Մոսկվայի մարզի Կոլոմենսկի շրջանում այսօր ՄիԳ-29 կործանիչ է ընկել։ Այս մասին հայտնում է ՌԻԱ Նովոստին։
«Ինքնաթիռն ընկել է անտառում` Դմիտրիևսկոյե անտառի մոտակայքում։ Պատճառները պարզվում են։ Երկու օդաչուներն էլ հասցրել են կատապուլտով իջնել», — ասել է պարբերականի աղբյուրը։
ՌԵՆ հեռուստաընկերության տեղեկություններով՝ օդանավն արտակարգ վայրէջք է կատարել «Ժուկովսկի» օդանավակայանում:
ՄիԳ-29 չորրորդ սերնդի կործանիչ է, որը նախագծվել է ԽՍՀՄ օդային գերազանցության համար։
