ԵՐԵՎԱՆ, 3 հոկտեմբերի — Sputnik. Հայաստանի հանրապետական կուսակցության պատգամավորները «լռության բոյկոտ» են կազմակերպել Հայաստանի նոր կառավարության դեմ։ Կառավարական ժամին նրանք ոչ մի հարց չէին առաջադրել, բայց վերջին պահին ՀՀԿ պատգամավոր Արմեն Աշոտյանը որոշեց հարց տալ։
Հարցերի համար հերթագրվել էին միայն չորս պատգամավոր. երեքը` «Ելք» դաշինքից, մեկը` ՀՅԴ-ից։ Դահլիճում լուռ նստած են մոտ քսան հանրապետականներ։
Նշենք, որ նիստին չեն ներկայացել վեց նախարարներ. երկուսը ՀՅԴ-ից, չորսը` «Ծառուկյան» դաշինքից։ Նախօրեին նրանք հրաժարական են տվել այն բանից հետո, երբ նրանց քաղաքական ուժերը դուրս են եկել կոալիցիայից։ Նրանց փոխարեն ներկայացել են նրանց տեղակալները` որպես նախարարների ժամանակավոր պաշտոնակատարներ։
