ԵՐԵՎԱՆ, 2 հոկտեմբերին — Sputnik. Աշխարհահռչակ երգիչ Շառլ Ազնավուրը պետք է Հայաստան գար։ Ֆրանսիայի նախագահ Էմանուել Մակրոնն այս մասին գրել է Twitter-ի իր միկրոբոլոգում։ Ի դեպ, նա հայերեն է գրել։
«Նրան հրավիրել էի միանալ իմ գալիք այցին Երևանի Ֆրանկոֆոնիայի գագաթնաժողովին, ուր երգելու էր։ Հայ ժողովրդի հետ բաժանելու ենք ֆրանսիացի ժողովրդի սուգը»,- գրել է նա։
Նրան հրարավիրել էի միանալ իմ գալիք այցին Երևանի Ֆրանկոֆոնիայի գագաթաժողովին, ուր երգելու էր։ Հայ ժողովրդի հետ բաժանելու ենք ֆրանսիացի ժողովրդի սուգը։https://t.co/mJFsYycWsJ
— Emmanuel Macron (@EmmanuelMacron) 2 октября 2018 г.
Նշենք, որ երեկ Ազնավուրի մահվան լուրը ստանալուն պես Մակրոնը գրել էր. «Ազնավուրը երեք սերունդ ուղեկցեց և՛ ուրախության, և՛ տխրության մեջ։ Նրա գլուխգործոցները, նրա տեմբրը, նրա անկրկնելի լույսը վարպետից հետո դեռ երկար կապրեն»։
Համաշխարհային հռչակ է ձեռք բերել 1956թ.-ին Փարիզի դահլիճներից մեկում հաջող ելույթից հետո։ Նրա գրած երգերը կատարել են Էդիտ Պիաֆը, Լայզա Մինելին, Մստիսլավ Ռոստրոպովիչը, Հուլիո Իգլեսիասը, Շերը, Ջո Դասենը, Ռեյ Չարլզը և այլք։
Շառլ Ազնավուրը միջազգային ասպարեզում ռեկորդային թվով ձայնասկավառակ է վաճառել (180 մլն)։
