Այսօր Երևանի Շառլ Ազնավուրի տուն–թանգարանում Սգո մատյանն էր բացվել, որտեղ հայտնի մարդիկ և հասարակ քաղաքացիները հուզիչ գրառումներ էին թողնում` ի հիշատակ սիրելի երգչի։
«Երեկ շատ ծանր և հուզիչ էր։ Սակայն հիմա հասկանում ես, թե որքան հպարտ ես, որ մեկ սիրտը կիսվել է ամբողջ աշխարհի համար։ Նրա խոսքերը, երգերը, այն ամենն, ինչ արել է, մեզ բոլորիս համար ուղեցույց է, թե ինչպես պետք է ապրել կյանքը», – ասաց ՀՀ ԱԳՆ Զոհրաբ Մնացականյանը` նշելով, որ Շառլ Ազնավուրը Ֆրանկոֆոնիայի օրերին պիտի գար Հայաստան։ԱԺ խոսնակ Արա Բաբլոյանը հազիվ զսպեց արցունքներն իր ընկերոջ` Շառլ Ազնավուրի մասին խոսելիս։
«Նա համոզված էր, որ աշխարհը բարդ է, և որ ցանկացած դեպքում մարդ պետք է պահպանի իր կերպարը։ Դա իմ կյանքի ամենակարևոր խորհուրդն էր, և ես փորձում եմ հետևել դրան», — Սգո մատյանում գրառում անելուց հետո Sputnik Արմենիայիթղթակցի հետ զրույցում ասաց Բաբլոյանը։
