ԵՐԵՎԱՆ, 1 հոկտեմբերի — Sputnik. Շառլ Ազնավուրի թողած լույսը դեռ երկար կապրի նրանից հետո։ Тwitter-ի իր էջում այս մասին գրել է Ֆրանսիայի նախագահ Էմանուել Մակրոնը։
Աշխարհահռչակ երգիչը մահացավ այսօր 94 տարեկանում Ֆրանսիայի հարավում գտնվող իր տանը։ Ազնավուրն ինքն իրեն միաժամանակ և՛ հայ, և՛ ֆրանսիացի էր անվանում։
«Մինչև հոգու խորքը ֆրանսիացի, որն անբաժան թելերով կապված էր հայկական արմատներին և ճանաչված էր ամբողջ աշխարհում։ Ազնավուրը երեք սերունդ ուղեկցեց և՛ ուրախության, և՛ տխրության մեջ։ Նրա գլուխգործոցները, նրա տեմբրը, նրա անկրկնելի լույսը վարպետից հետո դեռ երկար կապրեն», — գրել է Մակրոնը։
Profondément français, attaché viscéralement à ses racines arméniennes, reconnu dans le monde entier, Charles Aznavour aura accompagné les joies et les peines de trois générations. Ses chefs-d’œuvre, son timbre, son rayonnement unique lui survivront longtemps.
— Emmanuel Macron (@EmmanuelMacron) 1 октября 2018 г.
Հարգանքի տուրք է մատուցել նաև Ֆրանսիայի մշակույթի նախարար Ֆրանսուազա Նիսենը։
«Ֆրանսիան կորցրեց Ազնավուրին` իր փառահեղ պոետներից մեկին, ով միշտ մշակույթի ավանգարդում էր։ Նա իսկական լեգենդ դարձավ, հատեց սահմաններն ու դարաշրջանները։ Ֆրանսիացիները կորցրին Շառլին, որն ավելի քան 70 տարի իր անկրկնելի երգերի աշխարհ էր տանում նրանց»։
La France perd Aznavour, un de ses plus grands poètes, toujours à l’avant-garde, une véritable légende qui a traversé les frontières et les époques.
— Francoise Nyssen (@FrancoiseNyssen) 1 октября 2018 г.
Les Français perdent Charles, un visage familier qui les a emmenés pendant plus de 70 années au pays de ses inoubliables chansons.
Շառլ Ազնավուրի մահվան լուրին արդեն արձագանքել են մի շարք պաշտոնյաներ, այդ թվում` ՀՀ վարչապետ Նիկոլ Փաշինյանը։
