ԵՐԵՎԱՆ, 30 սեպտեմբերի — Sputnik. ՀՀ վարչապետ Նիկոլ Փաշինյանը կիրակի առավոտ շուտ ֆեյսբուքի ուղիղ հեռարձակման միջոցով առողջ ապրելակերպի քարոզ էր անում:
«Բանն այն է, որ օգոստոսի 17-ին մեր հայրենակիցներից մեկը, որի անունը չգիտեմ, հեծանիվ է նվիրել ինձ, և ես հիմա այդ հեծանիվով կգնամ աշխատանքի»,-ասաց Փաշինյանն ու նստեց հեծանիվին:
Ականատեսների խոսքով՝ վարչապետի 2 թիկնապահները նրան հետևում էին կրկին հեծանիվով:
Փաշինյանը հեռախոսն այնպես էր ամրացրել նվեր ստացած հեծանիվին, որ կարողանում էր ամբողջ ճանապարհին ուղիղ կապի մեջ լինել իր բաժանորդների հետ: Նախ անցնում և ցուցադրում էր կառավարական առաձնատների ճանապարհը, ապա կանգնում կարմիր լույսի տակ:
Հեծանվորդ Փաշինյանը ոգևորված է. «Շատ լավ է կիրակի առավոտյան, Երևանի փողոցներում համարյա ավտոմեքենա չկա և շատ հարմար է հեծանիվ վարելու համար: Ընդհանարպես, խորհուրդ եմ տալիս»,-ասում է վարչապետն ու շնորհակալություն հայտնում հեծանիվը նվիրողին՝ նշելով, որ շատ օգտակար նվեր է:
Վարչապետը ճանապարհին բարևում է համաքաղաքացիներին: Հենց այդ պահին հեծանիվն ինչ-որ տեխնիկական խնդիր է ունենում, և վարչապետը ստիպված է լինում կանգ առնել: «Ես չընկա, հեռախոսն ընկավ»-, անհանգստացած բաժանորդներին տեղեկացնում է Փաշինյանը:
![Велосипед Никола Пашиняна Велосипед Никола Пашиняна - Sputnik Արմենիա](https://cdn.am.sputniknews.ru/img/1477/80/14778042_0:47:1600:1052_600x0_80_0_0_8dc6aad5cdc1e88b7541a94da55af5eb.jpg)
![Նիկոլ Փաշինյանի հեծանիվը Նիկոլ Փաշինյանի հեծանիվը - Sputnik Արմենիա](https://cdn.am.sputniknews.ru/img/1477/81/14778107_0:97:1600:1102_600x0_80_0_0_9ef15cf7045df6f66d941a1c45531dcc.jpg)
![Նիկոլ Փաշինյանի հեծանիվը Նիկոլ Փաշինյանի հեծանիվը - Sputnik Արմենիա](https://cdn.am.sputniknews.ru/img/1477/79/14777911_0:55:1599:1060_600x0_80_0_0_e7da8a4709b26069cb979286de9dc270.jpg)
«Վատ ճամփորդություն չէր, բայց կարճ էր, գուցե այսօր էլի շարունակեմ»,- հասնելով կառավարություն ասաց ՀՀ վարչապետը և շարունակեց օգտատերին ցույց տալ իր աշխատասենյակի ճանապարհն ու բուն աշխատասենյակը:
Նա նաև կոչ արեց թողնել ծխելը՝ ասելով, որ 2004թ.-ից ինքն այլևս չի ծխում:
Օգտատերերի մի մասը հիացած էր վարչապետի այս քայլից և նշում էր, որ մենք էլ նմանվեցինք եվրոպական երկրներին, մի մասն անհանգստություն էր հայտնում նրա անվտանգության համար, իսկ ոմանք առիթը բաց չէին թողնում և բարձրացնում էին հեծանվային ճանապարհներ չունենալու խնդիրը: