ԵՐԵՎԱՆ, 28 սեպտեմբերի — Sputnik. Սեպտեմբերի 27-ին աչքի շրջանի վնասվածքով «Էրեբունի» բժշկական կենտրոն է տեղափոխվել Երևանի 19-ամյա բնակիչ Արամ Նազարյանը։
28 սեպտեմբերի 2018, 10:28
Ինչպես հայտնում է shamshyan.com կայքը, երիտասարդը հայտնել է, որ վնասվածքները ստացել է Ամերիկյան համալսարանի բակում, նույն համալսարանի 3 ուսանողների հետ տեղի ունեցած վիճաբանության ժամանակ։ Նա ասել է, որ իրեն մի քանի անգամ հարվածել են ոտքերով և ձեռքերով։
Կայքի տեղեկություններով՝ Արամ Նազարյանը նույնպես սովորում է Ամերիկյան համալասարանի 2-րդ կուրսում։
Ոստիկանությունը ձեռնարկում է անհրաժեշտ օպերատիվ-հետախուզական միջոցառումներ կասկածյալ ուսանողներին հայտնաբերելու ուղղությամբ։
