«Օկտոոբերֆեստ» գարեջրի ավանդական ամենամյա փառատոնն է այս օրերին ընթանում Մյունխենում։ 185-րդ անգամ անցկացվող փառատոնի պաշտոնական բացումը սեպտեմբերի 22-ին էր:
Դիտեր Ռայթեր քաղաքի ղեկավարը երկու հարվածով բացել է գարեջրի առաջին տակառը՝ պաշտոնապես մեկնարկ տալով խոշորամասշտաբ ազգային տոնակատարություններին: Գարեջրի առաջին գավաթը, ավանդույթի համաձայն, բաժին է հասել Բավարիայի վարչապետ Մարկուս Զյոդերին:
Հարյուրավոր մարդիկ, մեծամասնությունը՝ բավարական ավանդական հագուստով, փառատոնի մեկնարկին էին սպասում վաղ առավոտից:
Գարեջրի մեկ լիտրանոց գավաթն արժե 11.50 եվրո: Փառատոնի շրջանակներում կարգուկանոնին հետևում է 600 ոստիկան, որոնց հագուստին ամրացված տեսախցիկներ կան, ինչպես նաև մասնավոր գործակալությունների հարյուրավոր աշխատակիցներ:
«Օկտոբերֆեստի» ավարտը նախանշված է հոկտեմբերի 7-ին։
