ԵՐԵՎԱՆ, 26 սեպտեմբերի — Sputnik. Հայաստանի ֆուտբոլի հավաքականն առայժմ գլխավոր մարզիչ չունի։ Sputnik Արմենիայի աղբյուրները հայտնում են, որ բանակցություններ են ընթանում ոչ միայն Բիազիի, այլև երկու-երեք այլ թեկնածուների հետ։ Կոնկրետ ով կլինի` մարզիչը, պարզ կլինի շատ մոտ ժամանակում։
Հայտնի է, որ Բիազին այս պահին Հայաստանում է։
Մարզչի հարցը, կարելի է ասել, օրհասական է, որովհետև հոկտեմբերի 10-ին մեր հավաքականը Ազգերի լիգայի խաղերի շրջանակում հանդիպում պետք է անցկացնի Ջիբրալթարի, իսկ hոկտեմբերի 13-ին`Մակեդոնիայի թիմ հետ։
Հիշեցնենք` մամուլում այսօր տեղեկություն կար, որ ֆուտբոլի Հայաստանի հավաքականին կմարզի իտալացի մասնագետ Ջիանի դե Բիազին, որի հետ, ըստ նույն աղբյուրի, Ավանի ֆուտբոլի ակադեմիայում արդեն պայմանագիր է ստորագրվել։
Տեղեկություններ կային նաև, որ այդ պաշտոնի համար հայկական կողմն ակտիվ բանակցություններ էր վարում նաև Յուրի Ջորկաեֆի հետ, բայց նա համապատասխան մարզչական լիցենզիա չունի:
Հավաքականի գլխավոր մարզիչ Վարդան Մինասյանը հրաժարականի դիմում էր ներկայացրել սեպտեմբերի 21-ին։
