ԵՐԵՎԱՆ, 25 սեպտեմբերի — Sputnik. ՀՀ վարչապետ Նիկոլ Փաշինյանը երեքշաբթի Նյու Յորքում ՄԱԿ–ի Գլխավոր ասամբլեայի 73-րդ նստաշրջանի շրջանակում հանդիպել է Եվրոպական հարևանության քաղաքականության և ընդլայնման բանակցությունների հարցերով ԵՄ հանձնակատար Յոհանես Հանի հետ։
Հանձնակատարն այս մասին հայտնել է Twitter–ի իր էջում և ՀՀ վարչապետի հետ համատեղ լուսանկար տեղադրել։
Good meeting #UNGA2018 w @armenia PM #Pashinyan. Assured him of continued #EU support to his country and its reforms. Key to move ahead w implementation of our new bilat Agreement #CEPA. Will also look how our aid portfolio can be even more targeted on most pressing reforms. pic.twitter.com/nUbmcutoYJ
— Johannes Hahn (@JHahnEU) September 25, 2018
Դրական գնահատելով հանդիպումը` Հանը վստահեցրել է Փաշինյանին, որ ԵՄ–ն կշարունակի աջակցել Հայաստանին և երկրում իրականացվող բարեփոխումներին։
«Առաջ գնալու բանալին` CEPA նոր համաձայնագրի իրականացումն է։ Մենք նաև կտեսնենք, թե ինչպես կկարողանանք մեր օգնությունն ուղղել հրատապ բարեփոխումներին», – գրել է հանձնակատարը։
Նշենք, որ ՀՀ վարչապետ Նիկոլ Փաշինյանը Նյու Յորքում մասնակցում է ՄԱԿ–ի Գլխավոր ասամբլեայի 73-րդ նստաշրջանին, ուր նա մեկնել էր սեպտեմբերի 23-ին Երևանի ավագանու ընտրություններին քվեարկելուց անմիջապես հետո։
