Շափաղաթյանը կարծում է, որ Ազգային ժողովի արտահերթ ընտրությունները ոչ թե պետք են, այլ օր առաջ են պետք, որովհետև այսօրվա խորհրդարանը չի արտացոլում հասարակության իրական տրամադրությունը։
«Օր առաջ, ժամ առաջ պետք է անցկացնել արտահերթ ընտրություններ։ Ես հույս ունեմ,որ քաղաքական կամք կդրսևորի նաև այս դեպքում։ Փաշինյանն ԱՄՆ-ից վերադառնալուն պես քաղաքական ուժերի հետ խորհրդակցություններ կանցկացնի, և կարծում եմ` կլինի այն, ինչ նա մտածում է անել»,- ասաց քաղաքագետը։
Շափաղաթյանը նշեց, որ արտահերթ ընտրությունները բացարձակապես չեն բխում հանրապետականների շահերից։
«Կարծում եմ, որ ստեղծված իրավիճակում ԱԺ արտահերթ ընտրությունները կլինեն հեղափոխության, այսպես կոչված, հրապարակային վերջաբանը, որից հետո արդեն պիտի նոր խորհրդարանն ու նոր իշխանությունները կլծվեն այն խոստումների իրականացմանը, որոնց մասին խոսում ենք ապրիլից սկսած»,- ասաց նա։
