ԵՐԵՎԱՆ, 24 սեպտեմբերի — Sputnik. Հանրապետության տարածքում սեպտեմբերի 24-25-ը, 28-ին սպասվում է առանց տեղումների եղանակ: Սեպտեմբերի 26-ին երեկոյան ժամերին հատկապես հյուսիսային, 27-ին արևելյան շրջաններում սպասվում է անձրև և ամպրոպ, ամպրոպի ժամանակ քամու ուժգնացում՝ 15-20 մ/վ, առանձին հատվածներում հնարավոր է նաև կարկուտ:
Այս մասին տեղեկացնում են ՀՀ ԱԻՆ «Հիդրոմետ» ծառայությունից։
Օդի ջերմաստիճանը սեպտեմբերի 24-25-ը կբարձրանա 3-4 աստիճանով, 26-27-ը նույնքանով կնվազի: Քամին՝ հարավարևմտյան 5-10մ/վ:
Երևան քաղաքում սեպտեմբերի 24-28-ը սպասվում է առանց տեղումների եղանակ:
