ԵՐԵՎԱՆ, 23 սեպտեմբերի — Sputnik. ՀՀ վարչապետ Նիկոլ Փաշինյանն Ամենայն հայոց կաթողիկոս Գարեգին Բ-ի հետ լուսանկար է հրապարակել Facebook սոցիալական ցանցի իր էջում։
«Սա պատմական լուսանկար է: Ինչու՞: Որովհետև սա հայոց պատմության մեջ Ամենայն հայոց կաթողիկոսի և Հայաստանի ղեկավարի առաջին սելֆին է»,- լուսանկարին կից գրել է նա:
Փաշինյանն ավելացրել է, որ վեհափառի հետ է մեկնում Նյու Յորք:
Գործադիրի ղեկավարն ԱՄՆ է ուղևորվել այսօր առավոտյան։ Նա Նյու Յորքում մասնակցելու է ՄԱԿ-ի Գլխավոր ասամբլեայի 73-րդ նստաշրջանի աշխատանքներին, որտեղ հանդես կգա ելույթով:
