ԵՐԵՎԱՆ, 20 սեպտեմբերի — Sputnik. Սիրիայի Ռաս–ալ–Այն հայ համայնքը առաջին անգամ է հավաքվել։ Ինչպես հայտնում է քրդական Hawar պարբերականը, հանդիպումն անցել է Զերկան քաղաքային շրջանում։
Հավաքվածները հիշել են հայ ժողովրդի պատմությունը, հայերի զանգվածային կոտորածը Օսմանյան կայսրությունում և իրենց մշակույթը ոչնչացնելու փորձերը, գրում է պարբերականը։
«Մի քանի տասնյակ հայ հավաքվել են համատեղ գործողությունները քննարկելու համար։ Նրանք կարևոր քայլ են արել համայնք ձևավորելու համար», – գրում է պարբերականը։
Քաղաքային իշխանություններին հայերը կխնդրեն հայերենի ուսուցմամբ դպրոց բացել։ Բացի այդ նրանք խնդրում են աջակցել ոչ միայն իրենց, այլև նույնակրոն ասորիներին։ Քաղաքի իշխանությունները պետք է մշակութային միջոցառումներ անցկացնեն ի աջակցություն ասորերենի, հայտարարել են հայերը։
Նշենք, որ Ռաս–ալ–Այնը քրդական ուժերի կողմից վերահսկվող սիրիական տարածքում է (Ռոջավա)։ Քաղաքը գտնվում է Թուրքիայի սահմանին։
